ACARA SUNGKEM TATA CARA

Posisi diatur ku tura.

Ka Ibu Rama Pangenten supados calik dina korsih anu parantos di sayogikeun.

Oge pangenten panganten supados calik dipayuneun Ibu Rama masing-masing.

1.   Asep ……….. euis ………… anaking coba perhatikeun ku anjeun hideup bari teuteup saha dihareupeun hideup the? Aya dua jodo hamba Allah anu jadi cukang lantaran Ayahideup di dunya ieu.

2.   Anaking Asep….. jeung euis ….. kiwari hideup rek incah, mimiti rek rumah tangga tanda tas ningcak sawawa, leupas tina asuha sepuh. Najan geus bisa mandiri pepejeuh anaking ….. ulah rek poho kana wiwitan. Da mungguhing sareatna mun teu aya Ibu Rama hamo moal lahir-lahir acan ka alam dunya.

Bismilahiramanirrahim.

Anaking…..

Ayena sasat hideup rek lunta-lanta ngambah alam rumah tangga….

Tong indit anaking ……. Tong indit bari teu amit…..

Ngaleos kawas nu pundung…..

Munjung heula ka indung anu ngandung….

Ka Bapak anu ngayuga? Sangkan mulus rahayu

Salamet dunya akheratna….

Prak ayena pisan gera munjungan ngawitan ka IBu masing-masing.

Mamah ieu abdi putra mamah…..

Abdi neda pangapunten ka mamah….

Rumaos leber tur lokot ku dosa….

Mamah….

Belasan taun ka tukang

Abdi dikandung di asuh di dama-dama

Dituyun diajar lempang

Teweleh mamah jeung bapak maksakeun

Nyumponan sagala kahayang

Teweleh abdi ngabingungkeun ka mamah

Hapunten abdi ka mamah teu acan tiasa bakti

Mamah….

Neda pidu’a anu di teda

Abdi seja diajak macakal

Ngambah sagara rumah tangga

Pamugi sapapaosna abdi aya dina Ridho Allah SWT.

SUARA IBU

Dedeh teuing anaking …… anak mamah.

Asep geulis buah hate kembang soca…

Kutan eta anu jadi pikiran

Boro-boro boga sang ka’an pedah kahayang te kacumponan.

Anaking ….. ieu mamah bageur…..

Anu nuyun ti lelembut anu mayang ti bubudak

Asa kamari hidep di kandung, te karasa ayena hideup geus sawawa

Kasep…. Geulis, mamah jeung apa ngarasa bagja…

Hideup geus wakca balaka rek ngambah sagara rumah tangga

Bral anaking rega lumampah diniatan ku Lahaula Wala Kuata

Pepejeuh anaking sing sabar bari tawakal

Ulah tamelar jeung joledar sing apik kana milik saeutik

Sing ingeut mangsa isukan rek nuju ka pangbalikan

Anaking …. Gelis kasep….

Pangampura jeung do’a ti mamah ku hideup te kudu dipenta

Dihampura pisan anaking asep geulis lahir tumeuting batin

Malah mamah sabalikna, kumasa tetiasa nyumponan kahayang hideup sakeu buktina

Iwal do’a mamah anu bakal nyareungan salalawasna

PRAK GERA NGALIH KA PANGKONAN BAPA

Bapa ieu abdi putra bapa hampura bapa romaos leber tur lokot ku dosa

Bapa teu aya sanes pidu’a anu diteda tisalira

Pamugi aya dina Ridho Allah bagja sapapaosna

SORA BAPA

Deudeuh teuing anaking anak bapa buah ati kembang sukma sesempalan raga jeung nyawa

Anaking bapa oge nyakitu dei bageur

Panghampura jeung do teu kudu dipenta kuhideup bageur

Dihampura pisan lahir tumeting bating

Malah mah sabalikna anaking bapa kudu dihampura ku hideup….

Rumaos te bisa jiga batur , teu bisa mahanan hideup kuharta barana

Lain teu hayang ngan ka ayaan jeung kamampuan

Wayahna sing sabar bageur

Jug gera lumaku bral gera lumampah

Do’a bapa anu bakal nyareungan hideup salawasna

PEK NGALIH KA MERTUA MAMAH

Mamah ieu abdi tas janten putera mamah ku takdir nu maha suci

Abdi diamprokeung kedah hirup babareungan sareng putra mamah

Mamah ieu abdi sareng putra neda hapunten tina kakirangan sareng kalepatan

Mugia abdi aya dina Ridhona Allah.

IBU MERTUA

Anaking duh bagja teuing hideup te kudu hariwang

Jeung honcawang dihampura pisan Anaking lahir batin

Jeung bral anaking gera lumampah, mugia rumah tangga hideup sing barokah

PANGANTEN NGALIH KA BAPA MERTUA

Bapa ieu abdi ayena tos janten putra bapa

Kalayan kadar nu maha kawasa

Abdi resmi jatuk rami sareng putra bapa

Ayena hapunten ….. abdi tina sakur dosa sareung bapa

Oge pidu’a anu di teda kalayan rumah tangga nu bahagia

Sora bapa mertua

Anaking….

Asep euis duh bagja teuing

Buah ati kembang sukma

Bapa ge nyakitu dei

Pangampura jeung do’a bapa ku hideup te kudu dipenta, dihampura pisan.

Doa bapa ege suaka bakal nyareungan hidep salawasna

Amin Amin Ya Robal Alamin